Loron Nasionál Veteranu, “Reflete pasajen, relembra prezente no projeta iha futuru” 

DILI, 03 Marsu 2025 (TATOLI)— Ministru Asuntu Kombatente Libertasaun Nasionál, Gil da Costa Monteiro “Oan Soru”, hateten presiza halo reflesaun ba Loron Nasionál Veteranu ne’ebé akontese iha 03 Marsu 2025, hodi relembra prezente nune’e projeta iha futuru.

“Ohin nu’udár Loron Nasionál Veteranu. Tan ne’e, agradese ba eroi tantu labarik ki’ik-oan, feto-mane, ferik-katuas ne’ebé dedika sira-nia aan ba libertasaun pátria ida-ne’e. Nune’e, ita idak-idak halo reflesaun. Halo reflesaun ne’e la’ós halo festa mak halo maibé ita hotu-hotu halo reflesaun ba buat ne’ebé pasajen liubá kotuk hodi reafirma prezente no projeta iha futuru,” Oan Soru hateten iha ámbitu isár bandeira hodi komemora Loron Nasionál Veteranu ba dala VIII ne’ebé hala’o iha  Ministériu Asuntu Kombatente Libertasaun Nasionál (MAKLN), Komoro, segunda ne’e.

Loron Nasionál Veternu, 03 Marsu 1981, definidu ona iha Lei nú. 3/ 2016. Loron istóriku ne’e maihusi konferénsia nasionál FRETILIN iha Maubai-Vikeke, iha loron 3 fulan-Marsu 1983, orientasaun hosi membru Komité Sentrál FRETILIN (CCF-sigla portugés) sobrevivente na’in-tolu, Kay Rala Xanana Gusmão, Ma’huno Bulerek Karathayano no Adjuntu Tchai.

Notísia relevante: Loron Nasionál Veteranu, fundadór FRETILIN hato’o reflesaun ba kauza komún

Konfresista sira hili membru CCF nian na’in-sia foun hodi foti dezisaun importante lubuk ida, hodi organiza ka reorganiza luta nasionál iha teritóriu tomak.

 Jornalista: Osória Marques

 Editór: Xisto Freitas da Piedade