ANP introdus enkudramentu legál setór ‘downstream’ ba entidade Oekusi
OEKUSI, 15 Maiu 2025 (TATOLI) – Autoridade Nasionál Petrolio (ANP) liuhusi Diresaun Downstream, kinta ne’e, desimina prosesu enkudramentu legál kona-ba setór downstream ba entidade sira iha Rejiaun Administrativa Espesiál Oekusi Ambeno (RAEOA).
Diretór Diresaun Downstream husi ANP, Zelio Monis, haktuir disemina enkuadramentu legál downstream ne’e, ho nia objetivu atu hasa’e koñesementu ba autoridade munisipíu no autgoridade lokál sira kona-ba rekezitu lisensa ne’ebé presiza ba atividade downstream inklui prosesu aprovasaun iha importasaun atu hametin koordenasaun entre ANP ho autoridade lokál, liuliu atu regula atividade downstream nian kona-ba Postu Abastesimentu Konbustível (PAK).
“Ita ba atividade iha downstream ne’e, hahú husi fornesimentu, prosesamentu, armazeinamentu, transportasaun komersializasaun no mós marketin iha postu abastesimentu kombustivél sira,” nia dehan.
Notísia relevante:ANP planeia regulariza negosiante fa’an kombustível retallu iha estrada-ninin
Nia infroma, iha Oekusi tuir dadus ne’ebé iha, aliénde atividade sira iha ona lisensa husi ANP, iha mós atividade sira-ne’ebé hala’o laiha lisensa. Tan ne’e ANP mai iha Oekusi atu koordena ho Autoridade RAEOA liuhusi desiminasaun enkuadramentu legál sira, atu oinsa bele regulariza atividade sira-ne’e.
“Tanba iha área munisipíu ne’ebé besikliu fronteira hanesan iha Oekusi faan gazoliña ho eceran barakliu, entaun iha 2025 ne’e ANP halo desiminasaun, ita hakarak atu regulariza ona atividade, tanba afeta maka’as ba komunidade sira nia vida,” nia katak.
Sekretáriu Rejionál ba Asuntu Administrasaun, Andre La’o, hateten, reprzenta Prezidente Autoridade RAEOA, informa katak, hato’o agradesimentu ba ANP liuhusi diresaun downstream partilla atividade downstream kona-ba prosesu legál sira iha Oekusi.
“Nu’udár autoridade lokál hato’o agradesimentu ba ekipa ANP ne’ebé mai partila informasaun downstream ba ami autoridade lokál sira iha Oekusi, tan ne’e ami rekomenda nafatinatu kontinuakontrola atividade faan mina sira tanba barak mak tuir dalan ninin, no laiha kontrola másimu, tanba dalaruma mina illegal mak barak tama to’o vila laran, tanba faktu sira mina kor oi-oin, balu matak, kinur no mean, ami hus atu tau matan mina sira-ne’e mai husi ne’ebé,” nia hateten.
Notísia relevante:ANP hahú evaluasaun dokumentu husi kontratór neen ba konstrusaun biblioteka nasionál
Tuir dadus, Postu Abastesimentu Konbustível (PAK) iha Oekusi daudaun ne’e hala’o atividade negósiu hamutuk tolu (3) ne’ebé maioria konsentra iha suku Costa sub-rejiaun Pante Makasar.
Jornalista: Abílio Elo Nini
Editór: Florencio Miranda Ximenes
