DILI, 27 Maiu 2025 (TATOLI) – Operadór telekomunikasaun TELEMOR lansa Rede 5G ho ‘Roadshow’ bisikleta iha Dili.
Roadshow ne’e nu’udar inisiativa interativa hodi fó prioridade ba komunidade, ho objetivu atu selebra lansamentu rede 5G, iha momentu ne’e mós hodi promove inovasaun teknolójika no aumenta konsientizasaun públiku kona-ba benefísiu koneksaun jerasaun foun.
“Liuhusi atividade ida-ne’e, Telemor hakarak motiva komunidade sira hodi simu futuru dijitál no eksplora oportunidade sira ne’ebé fó-asaun husi koneksaun ne’ebé lalais liu no fiar liu,” komunikadu ida husi TELEMOR ba TATOLI, ohin.
Notísia relevante:Telemor ho FDETL asina akordu hodi promove talentu joven
Alende lansamentu 5G, iha komunikadu ne’e sita, “ Ami mós sente kontente atu fó-hatene ba públiku kona-ba pozisaun marka foun Telemor, ne’ebé mak hatudu evolusaun kompañia nu’udar líder iha transformasaun dijitál. Rebranding ida-ne’e prepara dalan ba futuru no armoniza ho selebrasaun aniversáriu ba dala-13 ne’ebé sei mai daudauk.
TELEMOR kontinua fó kompromisu atu loke dalan ba transformasaun dijitál no fornese solusaun komunikasaun avansadu ba povu Timor-Leste.
Notísia relevante:Telemor apoiu gabinete PR ba realiza eventu Dili Maratona 2024
Jornalista: Alexandra da Costa
Editór: Rafael Ximenes de A. Belo
