iklan

NASIONÁL, POLÍTIKA

Aban, ANPM anúnsia kompañia halo konstrusaun “Biblioteka Nasionál”

Aban, ANPM anúnsia kompañia halo konstrusaun “Biblioteka Nasionál”

Dezeñu biblioteka nasionál. Imajen espesiál

DILI, 16 novembru 2022 (TATOLI)—Diretór Nasionál Biblioteka no Muzeu iha Sekretáriu Estadu Arte no Kultura (SEAK), João Fátima da Cruz, informa aban Autoridade Nasionál Pétroleu no Minerál (ANPM) realiza enkontru Steering Committee hodi anúnsia kompañia ne’ebé halo konstrusaun ba biblioteka nasionál no sé mak atu halo supervizaun ba konstrusaun ne’e.

Notísia Relevante: Konstrusaun biblioteka nasionál, ENI-ANPM sei fó sai kompañia nia naran

“Biblioteka nasionál nia progresu mak agora kona-ba kompañia manan=nain no kompañia ida-ne’ebé atu halo supervizaun konsultan ne’e iha ona. Tanba ne’e, iha kinta (17/11) aban, ami enkontru Steering Committee atu líder altu nível sira bele foti desizaun ona. Entaun, iha ne’e sira konvida ita-nia Sekretáriu Estadu Arte no Kultura, Prezidente ANPM ho Reprezentante ENI nian mak foti desizaun, hodi anúnsia kompañia ne’ebé mak halo projetu ne’e no sé mak atu halo supervizaun ba konstrusaun ne’e,” João Fátima da Cruz, hateten ba Agência Tatoli iha nia kna’ar fatin, Avendia Portugál, Díli, kuarta ne’e.

Enkontru Steering Committee ne’e sei iha partisipasaun hosi Sekretáriu Estadu Arte no Kultura, Teofilho Caldas, Diretór Jerál, Manuel Smith, Diretór João Fátima da Cruz rasik ho tékniku injiñeiru sira, nune’e hosi ANPM mak Prezidente ANPM ho pontu fokál sira no hosi parte ENI mak reprezentante ENI iha Timor-Leste ho sira-nia pontu fokál.

Kona-ba prosesu konstrusaun bainhira hahú, nia hatán, tuir time line ne’ebé mak iha katak depois kompañia sé mak manán, nia presiza tempu fulan tolu (3) atu prepara Detail Enginering Desaing (DID).

“Entaun, ida-ne’e, nia prepara ita bele kalkula tinan oin, iha janeiru ka inisiu fevereiru sira bele halo konstrusaun ba biblioteka nasionál,” nia hateten.

Notísia Relevante: Governu iha kompromisu harii Biblioteka Nasionál atu konserva livru

Jornalista : Nelia Fernandes

Editór        : Cancio Ximenes

iklan
iklan

Leave a Reply

iklan
error: Content is protected !!