Inan isin-rua 274 iha Motael sei simu aihan nutritivu
DILI, 19 janeiru 2023 (TATOLI)–Xefe suku Moatel, postu administrativu Vera Crús, munisípiu Dili, Luis Gusmão Viegas, hateten inan isin-rua ho inan foin partu 274 iha suku Moatel sei simu aihan nutritivu iha semana oin.
Notísia Relevante: Governu atribui aihan nutritivu ba inan fó susu no labarik sira
“Iha segunda semana oin ita-nia inan isin-rua ho inan foin partu hamutuk 274, sei simu aihan nutritivu hodi hadi’a sira-nia nutrisaun tanba nutrisaun ne’e importante ba sira,” nia dehan ba Agência Tatoli, liuhosi telefónika, kinta ne’e.
Objeitvu hosi programa ne’e atu halo investimentu ba dezenvolvimentu ba kapitál umanu ne’e, tanba futuru nasaun ne’e nian mak inan isin-rua ho labarik sira, nune’e presiza konsumu aihan ne’ebé nakonu ho minerál.
Aihan nutritivu ne’e sei oferese hosi Programa Aihan Mundiál (WFP-sigla inglés), ne’ebé mak servisu hamutuk ho Ministériu Solidariedade Sosiál no Inkluzaun (MSSI) mak sei fahe maluk vulnerável sira.
Benefisiáriu ba aihan nutritivu hamutuk 30.000-resin ne’e hela iha munisípiu Baucau, Manatuto, Dili, Covalima, Ermera no Manufahi.
Notísia Relevante: Governu Hahú Halo Kolesaun Dadus ba Aihan no Nutrisaun iha TL
Jornalista : Osória Marques
Editór : Cancio Ximenes
