iklan

NASIONÁL, POLÍTIKA

Pesoál rejistu sei rejista benefisiáriu bolsa da mãe jerasaun foun iha marsu

Pesoál rejistu sei rejista benefisiáriu bolsa da mãe jerasaun foun iha marsu

Pessoal rejistu bolsa da mãe jerasaun foun hosi munisípiu Viqueque, Covalima, Liquiça Manatuto hamutuk ho Diretór Jerál Ministériu Solidariedade Sosiál no Inkkuzaun (MSSI) no Diretór nasionál hosi Solidariedade Sosiál munisípiu haat. Foto Osória Marques

DILI, 16 fevereiru 2023 (TATOLI)—Ministériu Solidariedade Sosiál no Inkkuzaun (MSSI), kinta ne’e, realiza serimónia asina kontratu ba pesoál rejistu 135 ba programa bolsa da mãe hosi munisípiu Covalima, Liquiça, Manatuto no Viqueque, iha salaun MSSI, Caicoli, Dili.

Notísia Relevante: MSSI rekruta pesoál rejistu ‘bolsa da mãe jerasaun foun’ hamutuk 135

Diretór Administrasaun no Finansa iha Ministériu Solidariedade Sosiál no Inkkuzaun (MSSI), Rui Manuel Gago Exposto, hateten MSSI sei organiza rejista benefisiáriu programa bolsa da mãe jerasaun foun ba munisípiu haat ne’e sei hahú iha fulan-marsu nia hahú.

“Iha munisípiu haat ne’e ita sei organiza hodi rejistu iha inisiu fulan-marsu ho nia orsamentu hamutuk millaun $7 hosi millaun $13-resin, ida-ne’e inklui ona ho munisípiu rua seluk no Rejiaun Administrativa Espesiál Oé-Cusse Ambeno (RAEOA),” Diretór ne’e hateten ba jornalista sira, iha serimónia kontratu pesoál rejistu ba munisípiu haat iha salaun MSSI Caicoli, kinta ne’e.

Nia hateten, MSSI rekruta pesoál rejistu ba munisípiu Covalima hamutuk 32, Liquiça iha pesoál rejistu hamutuk 29, Manatuto iha 25 no Viqueque iha 49.

Aplikante ne’ebé konkorre ba vaga pesoál rejistu iha sentru saúde hotu-hotu iha munisípiu haat ne’e hamutuk 1.500, no hosi númeru ne’e ema 135 mak pasa ne’ebé kompostu hosi feto 51% no mane 49%, signifika feto mós iha kapasidade hodi bele kompete no iha igualdade jéneru ba rekrutamentu refere.

Diretora Solidariedade Sosiál munisípiu Liquiça, Joana Maria Dulce, husu ba pesoál rejistu sira liu-liu Liquiça nian katak tenke halo servisu ho di’ak, inklui pontualidade no komportamentu di’ak.

“Ita sei koloka kada ema iha sentru saúde ida-ida iha ne’ebá, tanba iha ami-nia sentru saúde ne’e hamutuk 29,” nia dehan.

Notísia Relevante:  MSSI atualiza dadus benefisáriu “bolsa da mãe jerasaun foun” 15.141

Jornalista : Osória Marques

Editór        : Cancio Ximenes

iklan
iklan

Leave a Reply

iklan
error: Content is protected !!