Top

Bankada Governu iha PN fó apresiasaun ba vizita Ministra Peny Wong

Ministra Negósiu Estranjeiru Austrália, Penny Wong. Imajen Tatoli/Francisco Sony

DILI, 10 jullu 2023 (TATOLI)—Bankada Governu iha Parlamentu Nasionál (PN) fó apresiasaun ba vizita Ministra Negósiu Estranjeiru hosi Austrália,  Peny Wong mai Timor-Leste iha loron hirak liubá.

Notísia Relevante: Governu Austrália hakarak Timor-Leste dezenvolve lalais Greater Sunrise

“Lori bankada Governu fó apresiasaun ba vizita Ministra Negósiu Estranjeiru Austrália  ne’ebé halo vizita mai Timor-Leste iha inísiu governasaun, aktu diplomátiku ida-ne’ebé garante mós konfiansa no atu garante nafatin boa-relasaun entre pais espesialmente ba Austrália,”  Xefe bankada PD iha PN, Deputadu  António da Conceição ‘Kalohan’, hateten liuhusi reuniaun plenária PN, segunda ne’e.

Nia dehan, vizita ida-ne’e marka istória importante tebes ba Timor-Leste hodi nafatin hatudu relasionamentu di’ak entre rai rua no mós espresaun boa-vontade ba interrese nasionál Timor-Leste ninian ligadu ba Greater Sunrise.

“Tambá ne’e, hanesan Deputadu bankada Governu hakarak louva Governu Austrália ba aktu diplomátiku ida-ne’e, ne’ebé sensivél duni ba povu Timor-Leste nia direitu, ne’ebé mós espresa hosi Ministra Negósiu Estranjeiru ne’ebé dehan katak dezenvolvimentu Greater Sunrise  nesesáriu ba dezenvolvimentu sustentável  Timor-Leste hanesan nasaun viziñu Austrália,” nia  dehan.

Vizita ida-ne’e hanesan aktu ida fó ba Deputadu sira atu hanoin hamutuk saida mak inteerese nasionál, no mós ho vizita ida-ne’e fó mós ba reprezentante povu iha uma fukun ida-ne’e atu lori ko’alia kona-ba moris di’ak povu nian, polítika ne’ebé mak halo ho objetivu ida-ne’ebé konsta iha konstuisaun repúblika iha artigu 6 (objetivu Estadu nian).

Iha parte seluk, Kalohan fó apresiasaun mós ba vizita Ministru Negósiu Estranjeiru no Kooperasaun (MNEK) Japaun ninian mai Timor-Leste.

Notísia Relevante: Austrália rekoñese erru hasoru TL

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!