Debate proposta OR 2023 muda fali ba 22 agostu

DILI, 18 agostu 2023 (TATOLI)—Prezidente Parlamentu Nasionál (PN), Maria Fernanda Lay, sesta ne’e, realiza reuniaun lidér bankada parlamentár hodi determina ajenda no giaun ba debate proposta Orsamentu Retifikativu (OR) 2023.

Notísia Relevante: 21 agostu: PN-Governu sei realiza debate proposta Orsamentu Retifikativu 2023

Prezidente Parlamentu Nasionál, Maria Fernanda Lay, hateten meza mantein fila-fali kalendáriu diskusaun ida uluk no atu propoin antes maibé iha problema iha prosesu, ne’ebé fila-fali ba de’it kalendáriu ba debate proposta OR faze jeneralidade ne’ebé antes neé diseide 21 agostu ne’e sei muda fali ba iha 22 agostu, no 23-24 espesialidade no votasaun finál globál.

“Lidér bankada, ohin, ami determina ba ajenda mak debate ba Orsamentu Retifikativu ho nia guia, no husu kolaborasaun Prezidente bankada sira para ami intende malu lori ba plenária hotu-hotu la’o di’ak, inklui mós sei iha proposta karik ka asuntu seluk ne’ebé liga ho alterasaun OR,” Prezidente PN, Maria Fernanda Lay, hateten ba jornalista sira hafoin reuniaun líder bankada iha sala konferénsia PN.

Nia dehan, meza mantein fila-fali kalendáriu diskusaun ida uluk no atu propoin antes maibé iha problema iha prosesu, ne’ebé fila-fali ba de’it kalendáriu ba debate proposta OR faze jeneralidade sei hahu fali iha loron 22 agostu, no 23-24 espesialidade no votasaun finál globál.

Notísia Relevante: Auzénsia PPN iha debate proposta OR 2023 laiha impaktu

Enkuantu, Komisaun C trata asuntu Finansa Públika ho komisaun espesializada sira seluk termina ona audénsia públika ba proposta OR iha loron 16 agostu ne’e, no tuir ajenda Komisaun C sei halo aprovasaun relatóriu paresér iha sesta lorokraik hafoin envia ba meza PN, hodi kontinua debate iha jeneralidade.

Antes ne’e, plenária PN aprova ona projetu deliberasaun ba debate proposta OR ho karáter urjénsia.

Entertantu, iha reuniaun lidér bankada, ohin, ko’alia mós asuntu atu halo renovasaun ba Membru Konsellu Seguransa Defeza, komisáriu ida ba Komisaun Funsaun Públika, no membru Conselho de Imprensa.

“Kona-ba Conselho de Imprensa nian, ohin, hau husu ba líder bankada katak iha ona, agora sé ne’e, hau mós seidauk hatene. Nune’e, meza hein bankada parlamentár sira bele submete kandidatu hodi ajenda eleisaun iha plenária,” Prezidente PN ne’e hateten.

Notísia Relevante: PN aprova projetu deliberasaun debate OR ho karáter urjénsia

Jornalista : Nelson de  Sousa

Editór       : Cancio Ximenes