Top

Governu presiza kria kondisaun ba F-FDTL proteje rikusoin iha tasi-mane

FALINTIL-Forsa defeza Timor-Leste (F-FDTL) Komemora loron FALINTIL ba dala-48 ho marsa ka la’o ain husi Kraras Bibileu, Munisípiu Viqueque ba Cairui, Munisípiu Manatuto, hodi hanoin hikas istória luta libertasaun nasionál Timor-Leste nian, tersa (08/09/2023). Imajen TATOLI/Anito Soares.

DILI, 21 agostu 2023 (TATOLI)—Membru Komisaun B trata Asuntu Negósiu Estranjeiru no Defeza ho Seguransa iha Parlamentu Nasionál (PN), Deputadu Natalino dos Santos, husu IX Governu Konstituisionál presiza kria kondisaun ba FALINTIL Forsa Defeza Timor-Leste (F-FDTL) atu proteze rikusoin iha tasi-mane.

Notísia Relevante: Primeiru-Ministru enkoraja F-FDTL proteje rikusoin iha tasi-mane

“Ita iha instituisaun militár atu fó seguransa rikusoin iha tasi-laran no ita mehi boot ida katak Governu ida-ne’e komprometidu antes mandatu ne’e hotu, hakarak ona Greater Sunrise mai iha Timor-Leste. Hanoin, primeiru, ita tau mós atensaun ba seguransa, entaun serbisu ida-ne’ebé apropriadu F-FDTL tau garante kontrola ita-nia rikusoin, agora Governu tenke tau kondisaun,” Deputadu membru komisaun B ne’e hateten ba jornalista sira iha uma fukun PN, segunda ne’e.

Nia dehan, F-FDTL profisionál no prontu ona, agora kondisaun ba sira mak Governu tenke haree hodi fasilita sira bele hala’o kna’ar ho di’ak.

“Hanoin entermu profisionalizmu sira sufisiente ona, agora falta de’it kondisaun, atu proteje tasi, ita tenke iha ró, aviaun, entaun ne’e kna’ar Governu nian atu haree,” nia hateten.

Tuir membru komisaun B ne’e, akompaña durante ne’e membru F-FDTL sira sempre halo kursu iha nasaun oioin iha mundu, nune’e fiar katak ho tinan 20 F-FDTL prontu ona atu asegura ita-nia rikusoin iha tasi laran.

Notísia Relevante: Ró avaria difikulta UPM asegura rikusoin tasi

Jornalista : Nelson de Sousa

Editór       : Cancio Ximenes

Publisidade

Leave a Reply

Latest Post

error: Content is protected !!