Top

Deputadu opozisaun husu Governu kria kondisaun asegura ema ho defisiénsia mentál

Ema ho defisiénsia mentál hosi suku Ritabou ho naran koñesida ‘Nando Pinki’ movimenta ba-mai iha luron públiku ho isin-molik. Imajen Tatoli/Sérgio da Cruz.

DILI, 06 outubru 2023 (TATOLI)—Deputadu opozisaun hosi bankada KHUNTO iha Parlamentu Nasionál (PN), Luís Roberto, husu Governu presiza kria kondisaun asegura ema ho defisiénsia mentál.

Notísia Relevante:  Estoke ai-moruk ba ema ho defisiénsia mentál menus iha HNGV

Deputadu Bankada KHUNTO, Luis Roberto, Imajen/Tatoli.

“Kona-ba maluk sira-ne’ebé defisiénsia mental ne’e, ita hotu hatene no haree iha Dili laran, iha estrada ibun sira-ne’e ita-nia maluk defisiénsia mentál ne’e barak loos hanesan feto no mane mesak joven to’o ferik-katuas. Nune’e, husu husu Governu atu tau atensaun,” Deputadu Luís hateten iha uma fukun PN.

Nia husu Governu liuhosi ministériu relevante atu tau atensaun hodi asegura sidadaun ho defisiénsia mentál iha fatin dignu hodi bele hetan tratamentu ne’ebé dignu hanesan timoroan seluk.

“Governu halo oinsá kria kondisaun ba sira, bele asegura sira iha fatin ne’ebé dignu, nune’e sira bele iha fatin dignu no bele rekupera lalais,” nia hateten.

Notísia Relevante: Família presiza apoia pasiente ema ho defisiénsia mentál hodi bele rekupera

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!