OÉ-CUSSE, 20 novembru 2023 (TATOLI) – Progresu fíziku ba projetu reabilitasaun estrada rurál iha suku Abani no Malelat, sub-rejiaun Pássabe, Rejiaun Administrativa Espesiál Oé-Cusse Ambeno (RAEOA), daudaun ne’e atinje ona 75%.
Notísia relevante: Autoridade RAEOA prioriza infraestrtura bázika ba sub-rejiaun Pássabe
“Agora to’o ona 75%, obra ne’ebé halo ona maka dreinajen, bee-dalan sira, ateru, agora kompañia prepara atu tau plan-konkrit (corang),depois ida-ne’e hotu, ha’u fiar katak servisu sira-ne’e bele hotu,” Diretór Rejionál Infraestrutura, Candido dos Reis Amara, hateten iha Oé-Cusse, segunda ne’e.
Nia informa, antes ne’e kompañia kompromete katak, molok udan monu rai komunidade sir abele asesu ona, ne’ebé to’o dezembru bele konklui ona.
Diretór Obra Públika ne’e, orgullu, tanba durante ezekusaun projetu kompañia iha kolaborasaun di’ak ho komunidade, nune’e kompañia sei esforsa hodi konlui iha tinan ida bazea kontratu, ne’ebé propoin ona iha dokumentu termu kontratu.
“Agora tempu udan, ne’ebé parte DRI mós akompañia no fiskaliza bebeik obra sira, atu enkoraja kompañia sira bele aselera servisu, tanba populasaun sira hein de’it atu uza,” nia argumenta.
Notísia relevante: Kompañia Am-Lhichoe reabilita estrada rurál Pássabe to’o ona 10%
Entretantu, psrojetu reabilitasaun sira-ne’e, Autoridade RAEOA hatuur fatuk dahuluk iha loron 28 juñu 2023 ne’e, ezekuta hosi Kompaña Am-Lhichoe Unipesoál Lda, hodi reabilita hahú hosi suku Abani to’o suku Malelat, ho distánsia (STA 5+200-STA 7+600) ho valór kontratu hamutuk $491,895.57
Nune’e mós kontinua reabilita tán estrada rurál inklui ponte sira hahú hosi suku Abani to’o suku Malelat, ho distánsia (3+000-STA 5+200) ho valór kontratu hamutuk $622,244.44.
Orsamentu hirak-ne’e Autoridade RAEOA aloka hosi Orsamentu Jerál Estadu (OJE) 2023, no durasaun servisu ba projetu rua ne’e durante tinan ida.
Notísia relevante:Reabilitasaun estrada rurál hosi Pune ba Lela-Ufe atinje 60%
Jornalista: Abílio Elo Nini
Editór: Evaristo Soares Martins
