iklan

OÉ-CUSSE (RAEOA)

Aban, Primeiru Ministru fó pose estrutura RAEOA-ZEESM

Aban, Primeiru Ministru fó pose estrutura RAEOA-ZEESM

Primeiru Ministru (PM), Kay Rala Xanana Gusmão. Imajen Tatoli/Francisco Sony

OÉ-CUSSE, 30 janeiru 2024 (TATOLI) – Primeiru Ministru (PM), Kay Rala Xanana Gusmão, aban sei fó pose ba estrutura oun Autoridade Rejiaun Administrativa Espesiál Oé-Cusse Ambeno hamutuk no Komisaun Zona Ekonomia Sosiál Merkadu Timor-Leste EESM (ZEESM) ba mandatu tinan lima.

Notísia relevante: Primeiru Ministru Xanana hala’o enkontru espesiál ho Autoridade RAEOA-ZEESM

Kona-bá preparasaun nian, Prezidente Komisaun Organizadora, Agustinho Efi, informa, daudaun ne’e arinje 95% , tanba serimónia pose uza de’it otel Ambeno.

“Serimónia aban ne’e hahú tuku 10:00, konvidadu sira sei tama antes tuku 09:00, tanba serimónia ne’e Primeiru Ministru mak fó pose akompaña hosi Ministru Administrasaun Estatál (MAE), ne’ebé preparasaun ne’e kuaze 95% mak ita prepara,” Agustinho Efi, ba Agência Tatoli, iha ot’el Ambeno Oé-Cusse, segunda ne’e.

Fatin serimónia tomada pose ba estrutura RAEOA-ZEEMS Iha Otel Ambeno, sei dirije hosi Primeiru Ministru, Kay Rala Xanana Gusmao.
Imajen Tatoli/Abílio Elo Nini.

Nia informa,  lista ne’ebé komisaun simu, iha membru Governu na’in-10 mak sei partisipa, deputadu sira  no mós bainaka  hosi nasaun viziñu Indonézia hosi NTT, liuliu distritu Timur Tengah Utara (TTU).

“Sira-nia naran, ami sei taka hotu iha fatin idak-idak, tanba akontese iha munisipíu seluk ba serimónia pose trankadu kona-bá fatin, entaun iha Oé-Cusse ita hakarak serimónia ne’e tenke la’o di’ak, ne’ebe ba fatin garantidu, tanba ema barak sei hola parte, entaun ami tenke prepara másima, ” nia garante.

Notísia relevante: Rogério Tiago Lobato nomeadu nu’udar Prezidente Autoridade RAEOA ba tinan-lima

Entretantu, Primeiru Ministru sei fó pose ba estrutura RAEOA maka hanesan, Prezidente Autoridade RAEOA, Rogério Tiago Lobato, ho nia asesór prinsipál Agustinho Caet, no Koordenadór Komisaun ZEESM-TL, João Mendes Gonçalves, ho nia Vise-Koordenadór, Régio da Cruz Salu no Herculano de Sousa.

Nune’e mós membru Autoridade sira maka hanesan, André Lao, Sekretáriu Rejionál ba Asuntu  Administrasaun, Elvira Manat, Sekretária Rejionál ba Asuntu Finansa, Luís de Jesús Neno, Sekretáriu Rejionál ba Asuntu Saúde, Inácia Tamele, Sekretária Rejionál ba Asuntu Edukasaun no Asuntus Sosiál, Filomena Sila, Sekretária Rejionál ba Asuntu Agrikultura, no Marcelino Marques Coro, hanesan Sekretáriu Rejionál ba Asuntu Terra  Propriedade no Rejistu Notariadu.

Notísia relevante: Rogério Lobato sei serbisu maka’as ba dezenvolvimentu Oé-Cusse

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!