iklan

OÉ-CUSSE (RAEOA)

INS fasilita formasaun violénsia bazea jéneru ba profisionál saúde Oé-Cusse

INS fasilita formasaun violénsia bazea jéneru ba profisionál saúde Oé-Cusse

INS fasilita formasaun violénsia bazea jéneru ba profisionál Oé-Cusse. Imajen Tatoli/Abílio Elo Nini.

OÉ-CUSSE, 13 maiu 2024 (TATOLI) – Institutu Nasionál Saúde (INS) hetan apoia husi parseiru internasionál Partnership for Human Development Austrália (PDHD), fasilita formasaun ba profisionál saúde sira iha Rejiaun Administrativ Espesiál Oé-Cusse Ambeno (RAEOA) kona-bá baze dadus violénsia bazea jéneru ho tipu kazu oin haat, iha ospitál, postu no sentru saúde.   

Notísia relevante: MS rejista kazu Violénsia Bazea ba Jéneru 1.005 iha 2023

Responsável violénsia Bazea Jéneru iha PHD, Marilia Alves, fó-sai katak, formasaun ne’e ba faze datoluk nian iha Oé-Cusse fasilita husi INSTL, ba médiku parteira no enfermeira, durante loron neen ho matéria oinsá rekolla informasaun ba tipu violénsia oin haat, violénsia psikolojiku, fíziku, seksuál no ekonómiku.

Tuir nia, objetivu husi formasaun ne’e bele hasa’e koñesimentu oinsá halo atendimentu no rekolla informasaun ba feto maluk sira bainhira enfrenta problema hanesan vítima no sobrevivente ba violénsia bazea jéneru.

Nia dehan, Governu adota ba tinan 10, hahú hosi 2022 to’o 2032 iha pilár daruak, kona-bá resposta ba vítima sira oinsá fornese servisu esensiál ba vítima sobrevivente violénsia bazea jéneru.

Tán ne’e papél profisionál saúde importante tebes, tanba feto moris hahú husi isin-rua to’o partu, no iha posibilidade vizita fasilidade saúde, entaun profsionál saúde sai hanesan ponte no entrada.

“Karik atu konta sai esperiénsia iha ámbitu halo konsulta, ne’e mós presiza koñesimentu husi profisionál saúde sira, oinsá halo atendimentu ho di’ak,” nia dehan iha salaun madre Domincana Oé-Cusse, segunda ne’e.

Sekretáriu Rejionál ba Asuntu Saúde, Luís de Jesus Neno, esplika, kazu violénsia bazea jéneru sensitivu, tanba ne’e presiza formasaun bainhira mosu kazu ruma iha serbisu fatin tantu ospitál sentru saúde no postu saúde bele prontu ona atu atende kazu refere.

“Iha Oé-Cusse dadus ita seidauk iha, tanba PRADET mós nunka relata dadus ne’e mai ita, maibé tuir loloos dadús tenke relata ba ita, tán ne’e ita komesa ona prepara-aan, nune’e iha tinan ne’e ita bele iha ona dadus tantu iha ospitál iha sentru saúde no postu saúde, tanba tipu violénsia ne’e oin haat; bele violénsia psikolójiku, fíziku, seksuál no ekónomiku,” nia katak.

Tanba ne’e liuhusi formasaun ne’e, profisionál saúde sira, tenke tuir didi’ak, kona-bá tékniku sira-ne’ebé atu rekolla kon­a-bá motivu kazu sira kuandu akontese iha serbisu fatin, nune’e mós liuhusi formasaun ne’e bele habelar ba komunidade sira atubele prevene labele akontese, karik ita halo promosaun beibeik, ita bele prevene ita-nia komunidade nune’e kazu ne’e labele mosu.

Notísia relevante: JSMP observa prosesu formál ba kazu Violénsia Bazea ba Jéneru la’o lentu iha Tribunál

Entretantu, tuir dadus husi Ministériu Saúde liuhusi Servisu Kuidadu Saúde iha Família, hatudu iha 2023 rejista violénsia bazea ba jéneru hamutuk 1.005 barakliu husi munisipíu Díli, RAEOA no Ermera.

Purtantu, formandu sira partisipa iha formasaun ne’e kuaze na’in-30 mai husi Ospital Referál Oé-Cusse, sentru saúde lima no postu saúde 20 iha Oé-Cusse.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!