iklan

BOBONARU, MUNISÍPIU

Dom Norberto husu sarani sira banati Jesus hodi moris ho “simplisidade no haraik-an”

Dom Norberto husu sarani sira banati Jesus hodi moris ho “simplisidade no haraik-an”

Bispu Dioseze Maliana, Dom Norberto do Amarál, fó hela bensaun ba diákonu na'in-haat ne'ebé foin simu ordenasaun. Imajen Tatoli/Sérgio da Cruz.

BOBONARO,24 dezembru 2024 (TATOLI)-Bispu Dioseze Maliana, Dom Norberto do Amarál, hato’o boas Festa santo Natál ba Sarani sira hotu no husu atu morís ho simplisidade no haraik-an hodi simu Kosok oan Jesús iha ita nia le’et,tanba Jesus hasa’e nia-an nudar sakrifsiu bo’ot hodi kasu mundu nia sala atu lori ita husi sala no mate nia-laran hodi ba naroman.

Prezidente Konferensia Episkopál Timorense ne’e hateten Jesus moris husi ema nia sala atu lori ba fatin ne’ebé nabilan no Román. Jesús mos moris ho hakraik-an,simplisidade,loke liman ba Ema hotu ne’ebé hakarak tuir nia,tanba ne’e presiza halo tuir nune’e bele morís ho loloos tuir ida-idak nia fiar,esperansa no karidade.

Amu Bispu ne’e reforsa maske Jesús morís iha ita le’et hanesan buat hotu-hotu nia nain,maibe nia halo-an hanesan ki’ak liu hodi sai simples, hakraik-an atu hatudu ba ema katak morís hansan ne’e mak di’ak katak hadomi malu.

Notisia Relevante:Dom Virgílio Kardeál: Natál konvida sarani sira atu la’o hamutuk

“Atu moris di’ak no loloos hanesan Jesus ne’ebé mai morís hamutuk ho ita, hela ho ita, iha ita ida-idak nia laran,atu sai Kristu ida ne’ebé ita sente iha moris loro-loron, ida ne’e importante teb-tebes “Dom Norberto hateten hafoin prezide misa selebrasaun Natál,iha Igreja Parokia Santa Cruz Maliana,tersa ne’e

Líder masimu Dioseze Maliana ne’e,husu Sarani sira atu haksolok simu loron espesiál ida ne’e,maske Jesús mai morís iha fatin ne’ebé la dignu,iha prizepiu ida balada nia luhan,iha tan uma-tatis,fatin ne’ebé la merese ba ema atu morís.

“Fahi-luhan ne’e eleva sai knua ne’ebé diak,nabilan,labele sai fahi-luhan nafatin hela deit,Bibi-luhan ne’e tenke sai fatin ne’ebé di’ak,kmanek liu hansan Jesus mai foti buat sira sai nabilan hotu, ne’e duni morís didiak ba no hatudu ida-idak nia-an nudar Sarani loloos”, afirma Bibi-Atan ne’e

Enkuantu tuir observasaun jornalista Tatoli selebrasaun misa ne’e partisipa masimu husi Sarani sira, maske kondisaun klima ladun di’ak.

Hafoin selebrasaun misa,Sarani sira sunu fugete hansan simbolu kontente no haksolok hodi simu prezensa kosok-oan Jesus.

Selebrasaun Misa ne’e hetan seguransa masimu husi Polisía Nasionál Timor-Leste no FALINTIL Forsa Defeza Timor-Leste.

Notisia Relevante:Natál tempu halo reflesaun no renovasaun kompromisu ba futuru nasaun

Jornalista: Sergio da Cruz

Editór: Florencio Miranda Ximenes

iklan
iklan

Leave a Reply

iklan
error: Content is protected !!