DILI, 24 Fevereiru 2024 (TATOLI)—Tuir relatóriu ne’ebe publika husi Vatikanu iha sábadu (22 Fevereiru 2925) kalan oras Roma-Vatikanu relata katak, Papa Francisco sei iha kondisaun krítiku no seidauk “livre husi perigu”.
Notísia Relevante: Kaleidoskópiu 2024: Papa Francicsco; “Ha’u-nia laran monu loos ba Timor-Leste!”
“Iha dadeer ne’e, Papa Francisco enfrenta problema respiratóriu tanba Infesauun Vias Respiratóriu Aguda (IRA) ne’ebé kle’ur tebes, entaun presiza tau oksijéniu,” relatóriu ne’e haktuir, ne’ebé Agência Tatoli sita husi Ajência Notisioza ANTARA, ohin.
Tuir relatóriu ne’e, teste raan ne’ebé hala’o iha sábadu (22 Fevereiru) hatudu katak sintoma tromboostitopenia ne’ebé nakait ho anemia, ne’ebé ninia tratamentu ne’e tenke halo transfusaun raan.
Papa Francisco sei iha kondisaun “hatene tuir aan” hela no ninia tempu tomak tuur iha kadeira maibé tuir relatóriu ne’e katak nia “terus liu husi loron horisehik”.
Papa Francisco hahú halo tratamentu saúde iha Hospitál Agsotinho Gemelli, Roma, hahú husi sesta (14 Fevereiru 2025) semana kotuk tanba bronchitis ne’ebé hafoin ne’e sai pneumonia iha ninia pulmaun rua.
Iha sesta (21 Fevereiru 2025) lorokraik, xefe ekipa médiku ne’ebé hala’o atendimentu ka tratamentu saúde ba Papa Francisco, Profesór Sergio Alfieri, hateten katak Papa Francisco seidauk bele rekupera maibé bele serteza katak ninia kondisaun la’os iha situasaun perigu nia laran.
“Papa Francisco seidauk sai husi perigu,” Profesór Sergio Alfieri hateten iha konferénsia imprensa iha Hospitál Agostinho Gemelli.
Alfieri hateten katak Papa Francisco hetan infesaun pulmaun no ameasa boot-liu mak mosu komplikasaun infesaun, ka sepsi, iha ninia raan.
Notísia Relevante: Vatikanu lansa ona oráriu Papa Francisco hala’o vizita pastorál iha Timor-Leste
TATOLI
