iklan

COVALIMA, INKLUZAUN SOSIÁL

Bee-mota Rai Ketan lori-sasurut uma tolu iha suku Labarai

Bee-mota Rai Ketan lori-sasurut uma tolu iha suku Labarai

Ponte Rai Ketan iha suku Labarai, postu Suai, munisipiu Covalima ne’ebé kotu tanba udan boot ne’ebé rezulta bee-mota suli no tebe makaas. Imajen/Espesiál.

COVALIMA, 05 jullu 2023 (TATOLI)–Udan boot ne’ebé akontese iha Covalima rezulta bee-mota iha mota Rai Ketan suli-tebe makaas hodi lori-sasurut komunidade nia uma tolu (3) iha aldeia Holba, bairru Lonsele, suku Labarai, postu administrativu Suai ne’ebé baliza entre suku Belekasak, postu Maucatar, munisípiu Covalima.

Notísia Relevante: Ponte kotu difikulta alunu sira tuir prosesu aprendizajen iha Same Vila

“Bazeia informasaun ne’ebé  ha’u simu hosi xefe aldeia Holba, ha’u seidauk simu dadus ne’ebé fiksu, maibé  xefe aldeia relata situasaun mai ha’u katak  mota Rai Ketan lori komunidade nia uma tolu no xefe aldeia sira seidauk halo identifika ho loloos sasán saida de’it mak hetan estragu,” Xefe suku Labarai, Mozinho Amarál, hateten ba Agência Tatoli liuhosi telefónika, kuarta ne’e.

Udan boot ne’ebé rezulta dezastre naturál ho tipu inundasaun ba komunidade, nune’e xefe aldeia sira seidauk halo indentifikasaun ne’ebé ho loloos hodi halo levantamentu dadus ba vítima dezastre naturál, tanba oras ne’e daudaun kondisaun udan seidauk para nune’e halo evakuasaun de’it ba vítima sira hodi hela iha familia sira iha aldeia Holba.

Lideransa komunitária ne’e esplika, mota boot lori komunidade nia uma tolu, família ida hela besik iha mota ninin ho distánsia metru 10 maibé uma rua dook kauze metru 30 hosi mota Rai Ketan.

“Aleinde mota lori komunidade nia uma iha aldeia Holba, iha aldeia Mukbelis bazeia ba informasaun ne’ebé ha’u husi xefe aldeia Mukbelis katak estraga komunidade nia toos sira,” nia dehan.

Ho akontesementu ne’e, lideransa lokál rasik halo ona konfirmasaun ho xefe aldeia maibé bazea ba informasaun ne’ebé xefe aldeia na’in-tolu ne’ebé relata dadus katak xefe aldeia rua mak relata situasaun ba xefe suku katak komunidade aldeia rua mak afetadu ba dezasre naturál ho tipu inundasaun.

Udan boot ne’ebé hamosu dezaste naturál ne’ebe mota lori komunidade nia uma tolu ne’e, sasán uma lara hotu la salva no mós estraga komunidade nia toos.

Vitima ba dezastre natural iha suku Labarai hanesan Agostinho Gusmao konsege hasai de’it roupa maibé sasán sira seluk la konsege salva.

Vítima Lucas Soares nia uma liu-liu dapur, sintina mota lori hela uma maibe uma-nia aliserse agora tara-aan hela, nune’e uma refere laiha kondisaun atu hela bá.

Nune’e mós, vítima Antonio da Costa nia uma amesadu labele hela, tanba kalen, odamatan no bee-mota sobu vítima Aleixo Perreira Carvalho konsege hasai de’it mal roupa no sasán seluk la konsege salva.

Tuir dadus, xefe família 70-resin ne’ebé hela iha aldeia Holba, suku Labarai, postu Suai, munisípiu Covalima.

Antes ne’e, Diretór Servisu Munisipal Protesaun sivil Jestaun no Dezastre Naturál Quintino da Costa, fó atensaun ba komunidade iha suku Beco, Camnasa, Suai loro, Casabauk no Raimea   ne’ebé hela besik mota,  foho lolon no Tasi ibun atu kuidadu-aan bainhira udan monu-rai.

Iha trimestre dahuluk, Servisu Munisipal Protesaun Sivil Jestaun no Dezastre Naturál rejista uma-kain ne’ebé afeta ba dezastre naturál hamutuk 131 ne’ebe ho tipu dezastre naturál hanesan ani boot estraga uma 121, inséndiu rua (2), rai halai hitu (7), aat natoon 19, aat kmaan 64 no aat  total iha 46 ne’ebé hetan hotu ona apoiu emerjénsia hosi Governu.

Notísia Relevante: Xanana orienta MOP halo intervensaun infraestrutura hetan impaktu dezastre naturál

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!